1941-1945 ийласе Кугу Отечественный сарыште фашист кашакым кырен шалатымылан 67 ий эртен гынат, Кугу Сеҥымашым элнан историйыштыже эн тӱҥ событийлан шотлыман. 67-ше гана ола ден ял-влак 9 Майым тыныс кава йымалне вашлийыч, калыклан эрыкым да ласка илышым арален кодымо верч шке илышыштым чаманыде кредалше салтак-влакым порын шарналтышт.

Мишканыште Паралимпийский спортым вияҥдыме рӱдерын кокымшо корпусшым чоҥаш тӱҥалыныт. Кугу Спорт полатым нӧлтен шогалташ фундаментым пыштыме. Ончыкыжым тыште кап-кылым шуарен кушкаш шонышо самырык да кугыеҥ-влаклан чыла йӧн лиеш: тренажер, спорт, массаж зал-влак, тир, бассейн, фитнес пӧлем да молат пашам ышташ тӱҥалыт.

Пасу корно дене кок трактор поче-поче, пуракым нӧлтен, Искуш ял могырко каят. Тиде паша деч вара Владислав Алетдинов да Арнольд эргыже мӧҥгӧ пӧртылыт. Ачаже - вӱдымӧ агрегатыште, эргыже  - катокышто.